My title page contents
http://dubai-best-hotels.blogspot.com/ google-site-verification: google1aa22a1d53730cd9.html

Friday 17 November 2017

സ്കൂൾ ബസ്സുകൾ എല്ലാം മഞ്ഞ നിറം ആയതിന്റെ കാരണം ഇതാണെന്ന് അറിയുമോ

മഞ്ഞ നിറം കാഴ്‌ചക്ക്‌ മാത്രമല്ല, സുരക്ഷയ്ക്ക് കൂടിയാണ്. ശാസ്ത്രജ്ഞരുടെ അഭിപ്രായത്തിൽ ചുവപ്പ്‌ നിറത്തെക്കാൾ 1.24 മടങ്ങ്‌ അധികം കാഴ്‌ച മഞ്ഞ നിറത്തിനുണ്ട്‌. മൂടൽമഞ്ഞ്‌/ മൂടിക്കെട്ടിയ അന്തരീക്ഷം എന്നീ സാഹചര്യങ്ങളിൽ മറ്റു നിറങ്ങളേക്കാൾ കൂടുതൽ എടുത്ത്‌ കാണിക്കുക മഞ്ഞ നിറമാണ്. ഇക്കാരണങ്ങളാലാണു മഞ്ഞ നിറത്തിനെ സ്കൂൾ ബസുകളുടെ നിറമായി തെരഞ്ഞെടുത്തത്‌. എന്നാൽ ഇതൊരു പ്രത്യേക തരം മഞ്ഞ നിറമാണു. നാരങ്ങയുടെ മഞ്ഞ നിറവും , ഓറഞ്ച്‌ നിറവും കലർന്ന ഒരു നിറം ; പഴുത്ത മാങ്ങയുടെ മഞ്ഞ നിറം. ഈ വ്യത്യസ്ഥമായ മഞ്ഞ നിറത്തിൽ കറുത്ത അക്ഷരങ്ങളിൽ എഴുതുമ്പോഴാണ് വേഗത്തിൽ ശ്രദ്ധിക്കപ്പെടുന്നത്‌.
വടക്കെ അമേരിക്കയിൽ തുടങ്ങി വെച്ച ഈ രീതിയാണു ഇന്ത്യ അടക്കമുള്ള ലോകത്തിലെ ഒട്ടു മിക്ക രാജ്യങ്ങളും പിന്തുടരുന്നത്‌.
ഓരോ വ്യക്തിയും രൂപപ്പെടുന്നതിന്റെ പ്രധാന ഘട്ടം സ്കൂൾ വിദ്യാഭ്യാസ കാലമാണ്. കിലോമീറ്ററുകളോളം നടന്ന് തളരാതിരിക്കാൻ സ്കൂൾ ബസുകൾ ഏർപ്പെടുത്തിക്കൊണ്ട്‌ ഓരോ സ്കൂളും വിദ്യാർത്ഥികളുടെ ആയാസം കുറക്കാൻ ശ്രമിക്കുന്നു. എന്നാൽ തന്റെ സന്തത സഹചാരിയായ സ്കൂൾ ബസുകൾ എന്തുകൊണ്ടാണു മഞ്ഞ നിറത്തിലിരിക്കുന്നതെന്ന് യാത്ര ചെയ്യുന്ന വിദ്യാർത്ഥികൾ പോലും ചിന്തിക്കുണ്ടാവില്ല.
ഇനി സ്കൂൾ ബസുകൾ കാണുമ്പോൾ നമ്മുടെ മനസ്‌ മന്ത്രിക്കട്ടെ, കാലാവസ്ഥാ വ്യതിയാനങ്ങൾ സൃഷ്ടിക്കുന്ന അപകടങ്ങളിൽ നിന്ന് നമ്മുടെ കുരുന്നുകൾക്ക്‌ സുരക്ഷിതത്വത്തിന്റെ വലയം തീർക്കുന്ന സംരക്ഷണമാണ് “മഞ്ഞ ബസ്‌” എന്ന് .
കടപ്പാട് : രേഷ്മ സെബാസ്റ്റ്യൻ

No comments: